الصيف والقايلة واش دايرين فيها

صباح النور / مساء الفل
او بالأصح قايلة الخير
واش راكم جماعة؟ ان شاء الله راكم أنتيك
واش دايرين مع الصيف اعراس ونجاحات سخانة الناموس ......الخ
انا اليوم حبيت نحكي على حاجة تميز فصل الصيف والي هي القايلة
يعني بعد صلاة الظهر وين تبدا الديرونجمو
ويالله كل واحد يشد بلاصتو وما نحب نسمع حتى كلمة
يعني من صلاة الظهر حتى لصلاة العصر باه ترجع شوي الحركة
انا نكره الصيف غير على جال القايلة ما نحبش نسكت وخاوتي كامل يرقدو وانا نبقى وحدي
ونقلقهم ويبداو يتعايطو الناموس ارحم منك
قولولي واش تديرو في البريود هذي من 1 الي 4 تقريبا ترقدو ولا راكم كيفي
وكي ترقدو في الليل تباتو ساهرين لل1 ولا 2 ولا ترقدو بالخف
حاجة تاني لاحظتها جربت مرة رقدت نضت تعبانة بزااااااااف حتى انتم ولا انا برك كيما يقولو الي مش مالف بالبخور يحرق يدو
هذا اول موضوع عليا ساعفوني نتمنى يكون خفيف
والمشرفين يوافقو عليه