الشوماج والتشومير .... الكلام مجاني ***فرغ قلبك يا الزوالي/ة**.

من طرف miradz الأحد 09 مايو 2010, 14:50

السلام عليكم ورحمة الله تعالى وبركاته

راح نطرح موضووووووووووووع جريء جميل
جماله مزعج ولكنه واقعي واكيد
هم المجتمع الجزائري والعربي

انه:

واش هي البطالة
بالعربية حبيت نقول الشوماج
ههههههه

تعريف الشوماج:
الشوماج هو ظاهرة اجتماعية
كلمة مترددة بلسان
كل جزائري ...عربي .....وصايي

للشوماج لم اجد التعريف
فخرجت ابحث بين الاقاويل

قلت ياسيدي نروح نسقسي الشومارة واش هو تعريف الظاهرة اللي عايشينها!!

قالك السي امين: الشوماج هو ........ الشوماج
نورمال انا مانيش خدام ...ايمالا راني في شوماج!!!!!

يقول السيد محمد من عين المكان:
الشوماج هو كي تكون حاكم قهوة ودخان
وتشوف في السماء تستنى لطف ربي ودعوة الوالدين !!!!!!

رحنت سقسيت السي مراد:
قالك ياسيدي الشوماج
واش حابين ؟؟ظ نورمال الشوماج اللي راني فيه
انا شومور
كي تشوفني تفهم واش هو الشوماج
وقريب يضرب مراسلنا من عين المكان!!!!!

رحنت نزيد نحوس على تعريف لظاهرة الشوماج :
لقيت
واحد تحت شجرة
حامل ورقة وقلم
باين عليه قاري فاهم وراح يعطينا تعريف للعاطل عن العمل والبطالة :
قال:

عاطل واروي قصتي واتكلّم=
مع ان وضعي ميحتاجش تفاسير

خريج واحلامي سمو المعلّم=
وكنت انتظر فرحه نجاحي على خير

اربع سنين ارقى على المجد سلّم
=مواطن ازرع اليالي تخاميم

حب يزيد يهدرقتلو صايي بزااف خويا
***لوكان خليتو كان راح مايكملش!!!!
باين مهموم بزاااااااااف ***

قتلو دفترك؟؟؟؟
قال ايه تفضل
لقيت فيه رسومات
اليكم بعضها :

غاضتني روحي يا جماعت الخير

رحت نتمشا
لقيت واحد السيد
هاز قارو...سيجارة...
ويشوف في المارة
هدا طالع هدا هابط هدا طالع هدا هابط!!!!
قلت نروح ليه
احم احم
اشتك: باين عليك خدام ياسيدي
هو: ايه خدام وكاره حياتي في هاديك الخدمة تاع الهم!!!!

اشتك ايه كل خدمة فيها تعب ايوا خير من لي تكون غير قاعد!!!
هو: ايه ...خير من والو
راني خير من سفيان وكمال ومحمد وهشام ويونس و
اشتك : ايه فهمنا صايي يا اخي

اشتك: واش تخدم ايمالا ؟؟؟هاد الخدة اللي دايرة فيك حالة؟؟؟
هو: بعد تنهيدة طويييييييييييييلة
على بالك .... نعمر البرويطة بالرمل ونطلعها للسانكيام ونزيد نهبط
نزيد نعمرها ونطلع بيها ونزيد نهبط ....... نهار كامل هكا
اشتك: ومن وقتاش وانت خدام؟؟؟؟؟؟؟؟؟؟

هو: غدوا نبدا

نتمشا نتمشا تفكرة التشومير ماعطيتلوش تعريف ؟؟؟
السؤال الاول لي راه في بالي حبية نجاوب عليه:
هل للشوماج علاقة بالتشومير ؟؟؟؟

رحت لحي فقير
نسقسي الناس ادا خدامة ولا لا!!!
هادي عائلة يوسف:
السلام

وشحال انتوما في العائلة؟؟؟؟
9
الله يبارك
لالا ماكملتش 9بنات و7دكور
والاب والام
اه !! الله يبارك

وشحال من عامل في الدار ؟؟؟
حتى واحد وواش دخلك انتاا؟؟؟

اووو حتى واحد ؟؟؟ وكيفاه عايشين؟؟؟
الحمد لله لاباس بينا

راح يجو يديرو طريق شرق غرب
ويفوتو على دارنا
راح يعطونا السكنة في جهة اخرى

ايه فهمنا ..بصح شكون يخدم عليكم ؟؟
واش تاكلو ؟ واش تلبسو؟؟؟؟

اه ! فهمتك هههههههه
الام جات تنطق
وليدها: ادخلي للدار الرجال يهدرو!!!!
وبدا يضحك في سنيه:

عندي ام و9اخوات
يخدمو في البيوت

ورانا ناويين نزوجو الكبيرة للميقري ولد عم بنت خالة.....

اه!! القعدة فوووووور ايمالا!!!
قولي .. راكم عايشين لاباس؟؟؟؟

ماخصنا والو
الحمد لله

لقيت شركه في طريقي قلت

والله غير ندخل ندير طله

صاحب الشركة كان فايت

الشيخ الشيخ ماعليه دقيقة؟؟
ماعنديش الوقت!!!
انا من جريدة الغروب العالمية حبيت ندير اشهار لشركتكم
مرحبا بيك
كم هي ساعات عملك في اليوم؟؟؟
نريح برك منين نجي نرقد
واحد ال5ساعات
الله يبارك ... شحال تقعد مع عائلتك في اليوم؟؟؟
راني بعثتهم لكندا يفوتوا واحد العام ولا عامين
الله يبارك!!!
بشوية بشوية حتى وصلت لهدا السؤال:
شحال عندك دراهم في البنكا؟؟؟؟
واحد ال130مليار في البنك الاول
و205مليار في البنك 2
و20مليار برك في البنك 3 مانديرش فيهم لامان
الله يكثر منهم ويزيدك
امين لمين امين ياربي
من فمك لربي
تعيشوا
واش ناوي تدير بيهم؟؟؟؟
نستثمرهم ونجيب بيهم دراهم
ايه ومبعد؟؟؟
منين يزيدو ندير مشروع اكبر ونجيب بيهم دراهم
ايه ياسيدي ومبعد؟؟؟
نعاود نستثمر وندي.........
تتقلق عليهم؟؟؟
ايه نخاف يخونوهملي!!!
**يسرقوهم**
/تعيش يا الفقير هاني
ماكاين لادراهم لا تخاف يسرقوهم/

خرجت بمغزى من الشركة
اللي عندو دراهم ماشي هاني

ايا صايي لحق المغرب
لازم نرجع
وقصة التشومير
و قصة الشوماج

كملوها انتوما

كاش مراسلين من ولايات اخرى
ياالله احكيونا على الشوماج والتشومير
اسئلتنا:
عرف الشوماج***البطالة****
بصفتك شومار ...ماهي نظرتك للمستقبل؟؟؟؟
انت خدام؟؟؟ واش تشوف في الشباب البطال؟؟؟
انت زوالي وفحل؟؟؟؟ وين هي الفحولية ..كاش قصة...انعش مسامعنا
التشومير.**الفقر.**
واش رايك فيه؟؟؟
مجتمعنا فيه المشومرين؟؟؟**بمجتمعنا يوجد فقراء؟؟
ماهي حلول الفقر برايك

يا الله هدا انتارفيو صغير
ريبوندي علينا يا قارئ
ياك قراتوي الهدرة ***ههههه***

اليكم الخط